സഫലമീയാത്ര

POOR INDIAN CHILDHOOD

2012-01-28T03:51:00.001-08:00

പ്രിയപ്പെട്ട മോഹന്‍‌ദാസിന്..

2012-01-20T21:14:00.000-08:00

"ഏതു ദൂസര സങ്കല്പത്തില് വള്ര്ന്നാലുംഏതു യന്ത്രവല്‍കൃത ലോകത്തില്‍ പുലര്‍നാ‍ാലുംമനസ്സിലുണ്ടാവട്ടെ ഗ്രാമത്തിന്‍ വിശുദ്ധിയുംമണവും മമതയും ഇത്തിരി കൊന്നപ്പൂവും.."വൈലൊപ്പിള്ളിഞാന്‍ 1994 ചങ്ങനാശ്ശേരി എസ്.ബി കോളേജില്‍ നിന്ന് പി.ഡി.സി കഴിഞ്ഞ് പോരുമ്പൊള്‍ എന്റെ ഓട്ടോഗ്രാഫില്‍ അന്ന് മോഹന്‍‌ദാസ് എന്ന സീനിയര്‍ എഴിതിയ വാക്കുകള്‍ ആയിരുന്നു അത്. അത് എനിക്ക് എഴുതാനുണ്ടായ കാരണം ഗ്രാമത്തില്‍ നിന്ന് ചെന്ന ഞാനെന്ന കൌമാരക്കാരന്റെ മാറ്റങ്ങളാണൊ അതൊ മലയാളം സാഹിത്യ വിദ്യാര്‍ത്ഥിയായിരുന്ന് അദ്ദേഹത്തിന്റെ സാഹിത്യത്തിനോടുള്ള ഇഷ്ടം കൊണ്ടാണൊ എന്ന് എനിക്ക് തീര്‍ച്ചയില്ല. കറുത്തുമെലിഞ്ഞ മോഹന്‍‌ദാസിനായിരുന്നു ഞങ്ങളുടെ ഹോസ്റ്റലില്‍ ഹോസ്റ്റല്‍ഡേക്ക് നടക്കുന്ന പുഞ്ചിരി മത്സരത്തില്‍ എന്നും ഒന്നാം സമ്മാനം. ഒരിക്കല്‍ ഒരു ബസപകടത്തില്‍പെട്ട് അദ്ദേഹം ഈ ലോകത്തോട് തന്നെ വിടപറഞ്ഞു. അന്നുമുതല്‍ അദ്ദേഹത്തിന്റെ പുഞ്ചിരിക്കുന്ന മുഖത്തോടൊപ്പം ഈ പ്രിയപ്പെട്ട വരികളും ഹൃദയത്തോട് ചേര്‍ത്തുവച്ചു. ഏത് നാട്ടിന്‍പുറത്തു ചെന്നാലും മോഹന്‍‌ദാസിന്റെ സാമീപ്യം ഉണ്ടെന്നെനിക്ക് തോന്നും. നഷ്‌ടപ്പെട്ടുപോയ ചില ഒര്‍മയെ തിരിച്ചുപിടിക്കാനും ഓര്‍മിക്കാനും ഞാന്‍ വെറുതെ ആഗ്രഹിക്കുന്നു.

I wandered lonely as a cloud

2011-12-16T19:24:00.000-08:00

I wandered lonely as a cloud
That floats on high o'er vales and hills,
When all at once I saw a crowd,
A host of golden daffodils;
Beside the lake, beneath the trees,
Fluttering and dancing in the breeze.
(William Wordsworth)

ഗോരെ ഐലന്റ് സെനഗേല്‍/Goree Island

2011-03-08T10:22:00.001-08:00

പുരാതനകാലത്തെ അടിമചന്തയായിരുന്നു ഗോരെ ഐലന്റ് .
1776 ഡച്ച്കാര്‍ സ്ഥാപിച്ച അടിമ വ്യാ‍പാരകേന്ദ്രം പിന്നീട് ഫ്രഞ്ച് കാരും, ഇംഗ്ലണ്ട് കാരും, അമേരിക്കക്കരും തുടര്‍ന്നു. ആഫ്രിക്കയില്‍ നിന്നും ലോകത്തിന്റെ വിവിധ ഭാഗങ്ങളിലേക്ക് ആഫ്രിക്കക്കാരെ അടിമകളായി കയറ്റി അയക്കുന്നതിന് മുന്നെ താമസിപ്പിച്ചിരുന്ന സ്ഥലമായിരുന്നു ഇത്. അടിമകളാക്കി അയക്കുന്നതിന് മുന്നെ അവരെ കുറെ ദിവസം മൂന്ന് മാസത്തോളം അടിമപ്പുരകളില്‍ താമസിപ്പിക്കും.അവിടെ അടിമകളെ ഒരു കുടുംബത്തിലെ തന്നെ സ്ത്രീയെയും പുരുഷനെയും കുട്ടികളെയും കൊണ്ട് വന്ന് , സ്ത്രീയെ, പുരുഷനെ, കുട്ടികളെ വേറെ വേറെ മുറികളിലായാണ് താമസിപ്പിച്ചിരുന്നത്. കഷ്ടിച്ച് പത്ത് പേര്‍ക്ക് കിടക്കാന്‍ കഴിയുന്ന മുറിയില്‍ മുപ്പതിലധികം ആളുകളെ താമിസിപ്പിച്ചിരുന്നു. കഴിക്കാന്‍ ഭക്ഷണമൊ, രോഗം വന്നാല്‍ മരുന്നോ അവര്‍ക്ക് കൊടുത്തിരിന്നില്ല.അവിടെ താമസിച്ച് അസുഖം വരുകയൊ, ആരോഗ്യം നഷ്ടപ്പെടുകയൊ ചെയ്യുന്നവരെ അടിമകളായി ഏറ്റെടുക്കാന്‍ ആരും തയ്യാറല്ലായിരുന്നു. അങ്ങനെ താമസിച്ച് മരിച്ച് പോയ ലക്ഷക്കണക്കിന് ആഫ്രിക്കന്‍ അടിമകളുടെ ഓര്‍മകളിലാണ് ഗോരെ ഐലന്റ്. അസുഖം വരുകയോ ആരോഗ്യം നഷ്ടപ്പെടുന്നവരയോ ഒരു ഇടനാഴിയിലൂടെ നടത്തി, doors of no return എന്നാണതിനെ വിളിക്കുക, കടലില്‍ തള്ളും അവരെ സ്രാവുകള്‍ ഭക്ഷണമാക്കും. ഈ പരീക്ഷണങ്ങള്‍ എല്ലാം ജയിച്ചാല്‍ 500 പേര്‍ക്ക് കയറാവുന്നകപ്പലില്‍ 600 ആളുകളെയെങ്കിലും കയറ്റി അമേരിക്കയിലേക്കയക്കും. കാരണം മാസങ്ങള്‍ നീളുന്ന നരകയാത്രയില്‍ ഭക്ഷണമൊ, മരുന്നോ കിട്ടാതെ ആരെങ്കിലും അവശരായാല്‍ അവരെ കടലില്‍ എറിഞ്ഞ് ഒടുവില്‍ അമേരിക്കയിലെത്തുമ്പോള്‍ അവര്‍ക്ക് 500 അടിമകളെങ്കിലും ബാക്കിയാവും!തിരിച്ച് പോരുമ്പോള്‍ എന്റെ ഗൈഡിന്റെ വാക്കുകള്‍ മാ‍ത്രം കാതുകളില്‍ ബാക്കിയായി “over 20 million Africans sent to either death or slavery ,“. The door of no return എന്നില്‍ പേടിപ്പെടുത്തുന്ന ഒരു ഓര്‍മയായ് അവശേഷിച്ചു.both tragic and beautiful!

ഗോരെയിലെത്തുന്നതുനു മുന്‍പ് ഒര്‍ ദൂരക്കാഴ്ച

വഴി!

അടരുവാന്‍ വയ്യ!
പിരിഞ്ഞു പോകുന്നത് മരണത്തിലേക്കൊ മരണതുല്യമായ ജീവിതത്തിലേക്കൊ?

തിരികെ വരാത്ത വഴി/doors of no return

കഥ പറയൊന്നുരു മുത്തശ്ശി

2010-12-01T10:42:00.006-08:00

കഥ പറയൊന്നുരു മുത്തശ്ശി
കളി പറയുന്നൊരു മുത്തശ്ശി
നാലും മുറുക്കി തുപ്പി
കൂനി നടക്കും മുത്തശ്ശി
കള്ളന്‍ മാരുടെ കഥ പറയുമ്പോള്‍
കണ്ണുമിഴിക്കും മുത്തശ്ശി
കഥയിലെ രാജകുമാരി കരഞ്ഞാല്‍
കൂടെ കരയും മുത്തശ്ശി
പാഠം നോക്കാതോടുമ്പോള്‍
പൊരിവെയിലേറ്റ് തിണിര്‍ക്കുമ്പോള്‍
അമ്മ കയര്‍ത്ത് പിടിച്ചെന്നാല്‍
അരുതെന്നോതും മുത്തശ്ശി
കുട്ടനെന്ന് തെല്ല് കുറുമ്പാണെന്ന്
അച്ഛന്‍ മീശ വിറപ്പിച്ചാല്‍ കൂട്ടു പിടിക്കാന്‍
ഇഷ്ടം കൂടാനെത്താറുണ്ടെന്‍ മുത്തശ്ശി
കഥയില്ലാത്തൊരു മുത്തശ്ശിക്കഥ കേട്ടെന്‍
കണ്ണുകളടയുമ്പോള്‍
കവിളുത്തുമ്മകള്‍ നല്‍കിയുറക്കും
പതിവായ് പാവം മുത്തശ്ശി
കര്‍ക്കിടകം കലിതുള്ളും നാളില്‍
കാറ്റും മഴയും മുറുകുമ്പോള്‍
കുട്ടന്‍ വാനിലുയര്‍ത്തിയ പട്ടം
ഞെട്ടുമുറിഞ്ഞ് പതിച്ചത് പോല്‍
വെട്ടിയടുക്കിയ മാവിന്‍ ചില്ലയില്‍
വെണ്ണീറായെന്‍ മുത്തശ്ശി
പാവം മുത്തശ്ശി
കഥ പറയൊന്നുരു മുത്തശ്ശി
കളി പറയുന്നൊരു മുത്തശ്ശി
കഥയറിയാത്തൊരു ലോകത്തേക്ക്
കടന്നു പാവം മുത്തശ്ശി
(ഇത് ഞാന്‍ എഴുതിയതല്ല യാദൃശ്ചികമായാണ് മനോരമ മ്യൂസിക്കിന്റെ കിലുക്കാം പെട്ടി എന്ന ആല്‍ബത്തിലെ കഥ പറയുന്നൊരു മുത്തശ്ശി എന്ന പാ‍ട്ട് ഞാന്‍ കേട്ടപ്പോള്‍ എനിക്കിഷ്ടമായി അത് ഇവിടെ ഇട്ടു എന്ന് മാത്രം).

ഐ.ഐ.ടി റൂര്‍ക്കി /IIT ROORKEE

2010-11-15T21:09:00.000-08:00

അഞ്ച് വര്‍ഷത്തെ എന്റെ ഐ.ഐ.ടി ജീവിതത്തിന് ഒടുവില്‍ തിരശ്ശീല വീണു.

To be the fountainhead of new ideas and innovations in science and technology and continue to be a source of pride for all Indians. :)

ബിഗ്-ബാംഗ്

2010-09-04T22:04:00.000-07:00

ജീവന്റെ സാന്നിധ്യം ഭൂമിയില്‍ മാത്രമെ ഇന്നേവരെ കണ്ടെത്തിയിട്ടുള്ളു എന്നതിനാല്‍
ജീവജാലങ്ങളുടെ ഉല്പത്തിയെക്കുറിച്ച് വര്‍ഷങ്ങളായി നടക്കുന്ന സംവാദങ്ങള്‍ പ്രധാനമായും രണ്ട് കാര്യത്തെ ചൊല്ലിയാണ്
1) ഭൂമിയില്‍ തന്നെ ആണൊ ജീവജാലങ്ങള്‍ ഉല്‍ഭവിച്ചത് ?
2) മറ്റെവിടെ നിന്നെങ്കിലും ജീവന്‍ ഭുമിയിലേക്ക് ജീവന്‍ പ്രത്യേക കാരണങ്ങളാല്‍ എത്തിച്ചേര്‍ന്നതാണൊ?
അപ്പോള്‍ ഇത്തരത്തിലുള്ള ഒരു ചൊദ്യത്തിന്റെ ഉത്തരം കണ്ടെത്തുക എന്നത് വളരെ അധികം ബുദ്ധിമുട്ടുള്ള ഒരു കാര്യമാണ്. ഒന്നാമതായി ഭൂമി ഉണ്ടായിട്ട് ഏകദേശം നാലരക്കോടി വര്‍ഷങ്ങള്‍ ആയിരിക്കുന്നു.നാലരക്കോടി എന്നത് നമ്മള്‍ അനുമാനിച്ചിരിക്കുന്നത് ചില റേഡിയൊജനിക് ഐസോടോപ്പ് കണക്കുകളും ഫോസിലുകളുമാണ് ഈ പ്രാ‍യം കണക്കാക്കുന്നതിന് സഹായിച്ചത്. ഏറ്റവും ദുഷ്കരമായ കാര്യം ഈ നാലരക്കോടി വര്‍ഷം എവിടെ നിന്ന് തുടങ്ങുന്നു എന്നതായിരുന്നു, അതിനായി നിരവധി തിയറികള്‍ ആവിഷ്കരിച്ചു എങ്കിലും ലോകത്ത് ഏറ്റവും അംഗീകരിച്ച തിയറിയാണ് ബിഗ്-ബാംഗ്.1889-1953 വരെ ജീവിച്ചിരുന്ന എഡ്വിന്‍ ഹമ്പിള്‍ എന്ന ശാസ്ത്രജ്നനാണ് ഈ തിയറിയുടെ പിതാവായി കരുതപ്പെടുന്നത്. ഏകദേശം 1370 കോടി വർഷങ്ങൾക്കു് മുൻപു് ഒരു സ്ഫോടനത്തിലൂടെ പ്രപഞ്ചത്തിന്റെ ആരംഭം കുറിക്കപ്പെട്ടു. ഈ തിയറിയുടെ അടിസ്ഥാനത്തിൽ, ആദിയിൽ, സമയമില്ലായ്മയുടെ ഏതോ 'നിമിഷത്തിൽ സംഭവിച്ച ഒരു പൊട്ടിത്തെറിമൂലം അനന്തമായ ചൂടും സാന്ദ്രതയും നിലനിന്നിരുന്ന ഒരു ബിന്ദുവിൽ നിന്നും സ്ഥലവും സമയവും രൂപമെടുത്തു.ബിഗ്‌-ബാംഗിനുശേഷം ഒരു സെക്കന്റിന്റെ നിസ്സാരമായ ഒരംശം സമയപരിധിക്കുള്ളിൽ പ്രപഞ്ചം നമുക്കു് ഇന്നു് കാണാൻ സാധിക്കുന്നതിനേക്കാൾ കൂടിയ വലിപ്പത്തിലേക്കു് വികസിച്ചു. അതിനുശേഷം ഇന്നുവരെ പ്രപഞ്ചം നിരന്തരം വികസിച്ചുകൊണ്ടിരിക്കുന്നു. ആദിസ്ഫോടനത്തിനുശേഷം നിലവിലുണ്ടായിരുന്നതും 'ശൂന്യമായതുമായ' ഒരു സ്പെയ്സിലേക്കു് പ്രപഞ്ചം വികസിക്കുകയായിരുന്നില്ല മറിച്ച് സ്ഥലവും കാലവും ആദിസ്ഫോടനത്തിലൂടെ 'ഒന്നുമില്ലായ്മയിൽ' നിന്നും രൂപമെടുക്കുകയായിരുന്നു.
എങ്കിലും ഈ തിയറിക്കും വശദീകരിക്കാനാവാത്ത ഒരുപാട് കാര്യങ്ങള്‍ ഇപ്പൊഴും ഉണ്ട്. ഉദാഹരണത്തിന്
ഈ പ്രപഞ്ചം എവിടെ നിന്നാണ് വന്നത്? അറിയില്ല
എന്തിനാണ് വന്നത്? അറിയില്ല
ഇപ്പോള്‍ പ്രപഞ്ചം എവിടെ ആണ്? അറിയില്ല.
പക്ഷെ ഒന്നു നമുക്കറിയാം
നമ്മള്‍ പ്രപഞ്ചത്തിലാണ്!
അപ്പോള്‍ ഇത്രയേറെ വിഷമം പിടിച്ച ഒരു സാഹചര്യത്തിലാണ് നമ്മള്‍ ജീവന്റെ ഉല്‍ഭവത്തെക്കുറിച്ചുള്ള തെളിവുകള്‍ തേടുന്നത്. മുന്‍പ് പറഞ്ഞത് പോലെ നമ്മളെ സംബദ്ധിച്ചിടത്തോളം പ്രധാനമായ പ്രശ്നം
1 ) ഭൂമിയില്‍ തന്നെ ആണൊ ജീവജാലങ്ങള്‍ ഉല്‍ഭവിച്ചത് ?
2) മറ്റെവിടെ നിന്നെങ്കിലും ജീവന്‍ ഭുമിയിലേക്ക് പ്രത്യേക കാരണങ്ങളാല്‍ എത്തിച്ചേര്‍ന്നതാണൊ? എന്നതാണ്. ഇന്നതെ സാഹചര്യത്തില്‍ നമുക്കറിയാവുന്ന ശാസ്ത്രവിദ്യകള്‍ ഉപയോഗിച്ച് മനുഷ്യര്‍ ഇന്നേവരെ ജീവന്റെ അംശം ഭൂമിയിലല്ലാതെ മറ്റെങ്ങും കണ്ടെത്തിയിട്ടില്ല. അപ്പോള്‍ നിലവിലുള്ള അറിവ് വച്ച് ജീവന്‍ ഭൂമിയില്‍ തന്നെ ഉല്‍ഭവിച്ചതാണ് എന്ന് അനുമാനിക്കുന്നു.മുന്‍പ് പറഞ്ഞത് പോലെ ബിഗ്-ബാംഗിന് ശേഷം നാലരക്കോടി വര്‍ഷങ്ങള്‍ക്ക് മുന്‍പ് ഭൂമി അതിന്റെ രൂപം പ്രാപിക്കാന്‍ തുടങ്ങി. ആ പരിണാമത്തിന്റെ ഇടയിലെപ്പോഴോ വന്നെത്തിയ ഒരു സംഭവമാണ് ഈ ജീവന്‍.

നൈനിറ്റാള്‍/Nainital ചിത്രങ്ങള്‍

2010-03-26T05:43:00.000-07:00

മാള്‍ റോഡ്
നന്ദാ ദേവി കാണാം.സൂക്ഷിച്ച് നോക്കണം
വിറകുമായി പോകുന്ന നേപ്പാളികള്‍
ഇതാണ് നൈനിതാള്‍.നൈനാ ദേവിയുടെ തടാകം
സൈക്കിള്‍ റിക്ഷ..:)
ഗോലു ദേവതയുടെ അമ്പലത്തില്‍ തൂക്കിയിരിക്കുന്ന മണികള്‍
കുമയൂണ്‍ യൂണിവേഴ്സിറ്റിയില്‍ നിന്നും നൈനിറ്റാള്‍!
ശ്..ശ്..എന്റെ ഫോട്ടോ ഗ്രാഫി!! സ്ഥലം..കാത്‌ഗുഢാം
മഞ്ഞ് വായിച്ചവര്‍ക്കായി ദേ കോടമഞ്ഞിന്റെ ഈ പടം 12 മണിക്കെടുത്ത ഫോട്ടൊ ആണ്..
ഈ നാട്ടിലെ ഉടുപ്പിട്ട് പോസ് ചെയ്യുന്ന ഭാഗമാണ്!
ദേ ഭീകരമായ ഒരു മഴ പെയ്തു..ആലിപ്പഴംസ്!!

ആത്മഹത്യാ മുനമ്പ്...എല്ലാ ടൂറുസ്റ്റ് സ്ഥലത്തും പോലെ ഇവിടെയും ഉണ്ട്..
ജന്തവാള്‍ ഗാവ്..
ബോട്ടിങ്ങ്..നൈനിറ്റാള്‍ തടാകത്തില്‍
ഇതാണ് ഭീംതാള്‍ നൈനിതാളില്‍ നിന്നും ഇത്തിരെ ദൂരെ ഉള്ള വേറെ ഒരു തടാകം!

ഇത് ഒരെണ്ണം എന്റെ പേരിലായിരുന്നെങ്കില്‍ എന്ന് തോന്നുന്നോ?

2010-01-15T06:42:00.000-08:00

ഒരു സാധാരണ ഭ്രാന്ത്

2009-07-01T00:26:00.000-07:00

ഒരു സാധാരണ ഭ്രാന്ത്
………………………………
മരങ്ങളോട് സംസാരിക്കുമ്പോള്‍
പാറകളെ നോക്കി ചിരിക്കുമ്പോള്‍
മഴയില് കുളിക്കുമ്പോള്‍
കറുത്ത് മെലിഞ്ഞ വിരലുകളില്‍
നീണ്ട നഖങ്ങള്‍ വളര്ന്ന് തൂങ്ങുമ്പോള്‍
ചുരുണ്ട മുടി വെട്ടാതെ മുഖത്ത് വീണ്
കണ്ണ് മറയുമ്പോള്‍
കീറീപ്പിഞ്ഞിയ ഉടുപ്പിന്റെ
ചെളിപുരണ്ട അറ്റം കൊണ്ട്
കണ്ണ് തുടയ്ക്കുമ്പോള്
ഒന്നുമുരിയാടാതെ നിശ്ചലമായി
ശൂന്യതയില് ലയിച്ചിരിക്കുമ്പോള്‍
എവിടയൊ പൊട്ടിച്ചിതറിയ
ഓര്മകളാണ്‍ ഭ്രാന്ത്..
പേരറിയാത്ത ഒരു ദു:ഖസ്ഥിതി
രൂപങ്ങളില്ലാത്ത ചില വരകള്‍
ഒടുവിലത്തെ മഴത്തുള്ളി
വേനലിന്റെ ഊഷ്മളത
കടല്ലാസിന്റെ ആഴം…
പറിച്ചെറിയാനാവാത്ത ചില വേരുകള്‍
ഒന്നുമുരിയാടാത്ത നിസ്സഹായത
ഇടക്കൊരു പൊട്ടിച്ചിരി..
സൂക്ഷിച്ച് നോക്കിയാല്‍ കാണാം
കണ്ണുകളില്‍ സ്നേഹത്തിന്റെ ഒരു കടല്‍..

വേമ്പനാട്ടുകായല്‍ !!

2009-03-19T23:25:00.000-07:00

നിങ്ങള്‍ ഇവിടെ പോയിട്ടുണ്ടൊ...കാണാമറയത്തൊരിടം !

2009-01-21T00:17:00.000-08:00

കാണാമറയത്ത് ചില കാഴചകള്‍

2008-08-28T09:08:00.000-07:00

മനോഹരമായ ഒരു ഹിമാലയന്‍ താഴ്വരകളിലെ കാഴ്ചകള്‍.ഹിമാചല്‍ പ്രദേശിലെ കിനൊറ് ജില്ലയിലെ ഇന്ത്യയുടെയും ചൈനയുടെയും അതിര്‍ത്തിയായ അവസാനത്തെ ഗ്രാമമാ‍ാണ്‍ ചാഗോ.ഇവിടുത്തെ പോപ്പുലേഷന്‍ 150ല്‍ താഴെ ആണ്‍. സമുദ്ര നിരപ്പില്‍ നിന്നു ഏകദേശം 4600 മീറ്റര്‍ ഉയരത്തില്‍ സ്ഥിതി ചെയ്യുന്ന ഒരു താഴവര ആണ്‍ .സ്പിറ്റി എന്ന് പറഞ്ഞാല്‍ ഒരു പാട് പേര്‍ക്കറിയാം സ്പിറ്റി വലിയില്‍ നിന്നും ഏകദേശം 25 കിലോമീറ്റര്‍ യാത്ര.ഷിം‌ലയില്‍ നിന്നും 332 കിലോമീറ്റര്‍ ദൂരെയുള്ള ഈ താഴ്വരയില്‍ നിറയെ ബുദ്ധ ഭിക്ഷുക്കള്‍ ആണ്‍.ഗ്രാമത്തിലേക്ക് വേണ്ട ധാന്യങ്ങളും പച്ചക്കറികളും അവര് തന്നെ കൃഷി ചെയ്യുന്നു.കുട്ടികള്‍ക്ക് പഠിക്കാന്‍ യു.പി സ്കൂള്‍ വരെയാണ്‍ അവിടെ ഉള്ളത്.മനോഹരമായ മഞ്ഞുമലകളാല്‍ ചുറ്റപ്പെട്ട ഈ താഴ്വരയില്‍ എത്താന്‍ ഒരു പാട് സഞ്ചരിക്കണമെങ്കിലും അവിടെ എത്തിയാല്‍ നമ്മള്‍ ലോകത്തിന്റെ വേറെ ഒരു മുഖമാണ്‍..ഫോണ്‍ ചെയ്യാനൊ ബാഹ്യലൊകവുമായി ബന്ധപ്പെടാനൊ വളരെ വിരളമായ സാധ്യത മാത്രം.യാങ്താങ് എന്ന ഒരു മൊണാണ്‍സ്റ്ട്രി ഉണ്ടിവിടെ. ഇവിടുത്തെ ഭൂരിഭാഗം ജനങ്ങളും വിശ്വസിക്കുന്നത് അവര്‍ ഇന്ത്യക്കാരല്ല എന്നാണ്‍.

മനോഹരമായ താഴ്വരയിലേക്ക് ദിവസത്തില്‍ ഒരിക്കല്‍ മാത്രമുള്ള ബസ്
ആഗ്രാമത്തിലെ പോപ്പുലേഷന്‍ എഴുതിയിരിക്കുന്നത് കാണാം. 150

ദൂരെ മലയുടെ മുകളില്‍ കാണുന്നതാണ്‍ യാങ്താങ് എന്ന ഒരു മൊണാണ്‍സ്റ്ട്രി ലോകത്തിലെ തന്നെ ഏറ്റവും ഉയരം കൂടിയ സ്ഥലത്തു സ്ഥിതിചെയ്യുന്ന മൊണാണ്‍സ്ട്രിയാണിത്!!

ഗ്രാമത്തിലേക്ക് വേണ്ട ധാന്യങ്ങളും പച്ചക്കറികളും അവര്‍ തന്നെ കൃഷി ചെയ്യുന്നു

സ്പിറ്റി നദി

മഞ്ഞണിഞ്ഞ പര്‍വതങ്ങള്‍ ഒരു ദൂരക്കാഴ്ച

കാണാമറയത്ത് മഞ്ഞുമലകള്‍..

വാലി ഓഫ് ഫ്ലവേഴ്സ്/Valley of flowers

2008-08-20T10:24:00.000-07:00

ഗഢ്‌വാള്‍ ഹിമാലയത്തിലെ മനോഹരമായ ഒരു താഴ്വരയാണ് വാലി ഓഫ് ഫ്ലവേഴ്സ് (പൂക്കളുടെ താഴ്വര).ഫ്രാങ്ക് എസ് സ്മിത് എന് സസ്യ ശാസ്ത്ര ഗവേഷകനാണ് “വാലി ഓഫ് ഫ്ലവേഴ്സ് “1937ല്‍ ലോകത്തിന് ഈ താഴവര പരിചയപ്പെടുത്തിയത്. അവിടെ നിന്ന് മടങ്ങിയ ശേഷം "The Valley of Flowers" എന്ന പേരില്‍ അദ്ദേഹം എഴുതിയ ബുക്കില്‍ ഈ മനോഹരമായ താഴ്വരയെ ലോകം വിവരിച്ചിരുന്നു.അവിടെ തോരാതെ പെയ്ത മഴയില്‍ നല്ല ചിത്രങ്ങള്‍ എടുക്കാന്‍ കഴിഞ്ഞില്ല..കിട്ടിയതില്‍ ചില ചിത്രങ്ങള്‍ ഇവിടെ ഇടുന്നു..

ഒരു ലളിതമായ ചോദ്യം

2008-08-05T00:23:00.000-07:00

എന്റെ പ്രിയപ്പെട്ട ഒരു സുഹൃത്ത് വളരെ അപ്രതീക്ഷിതമായി, ഒരിക്കലും പ്രതീക്ഷിക്കാത്ത ഒരു സാഹചര്യത്തില് ഒരു ചോദ്യം,
“ഈ ലോകത്ത് നീ ആരെയാണ് ഏറ്റവും കൂടുതല് സ്നേഹിക്കുന്നത് “?
കേള്ക്കുമ്പോള് സിമ്പിള് ആയ ഒരു ചോദ്യമാണെങ്കിലും ഉത്തരം പറയാന് ബുദ്ധിമുട്ടുള്ള ഒരു ചോദ്യമായാണ് എനിക്ക് തോന്നിയത്. ഒരു ഞൊടിയിടക്കുള്ളില് ഇപ്പോള് നിങ്ങളുടെ മനസ്സിലൂടെ ഇപ്പോള് വന്നുപോയ കുറെ മുഖങ്ങള് പോലെ എന്റെ മനസ്സിലൂടെയും കടന്നു പോയി കുറെ മുഖങ്ങള്, ചോദിച്ചയാളുടെ മുഖമുള്‍പ്പെടെ! ഒരിക്കല് പോലും ആരും എന്നോട് ഇതുവരെ അങ്ങനെ ഒരു ചോദ്യം ചോദിക്കാത്തതില് എനിക്കപ്പോള് അതിശയം തോന്നി! നിങ്ങള് പറയു ആരെയാണ് നിങ്ങള് ഈ ലോകത്ത് ഏറ്റവും കൂടുതല് സ്നേഹിക്ക്കുന്നത്?

ഗ്രാമം- ഒരു പഴയ ചിത്രം

2008-07-07T12:40:00.000-07:00

നിറം മങ്ങാത്ത ഒരു പഴയ ചിത്രമാണ്‍ എന്റെ ഗ്രാമം
ഏകാന്തതയില്‍ ചിലപ്പോഴെല്ലാം ഞാന്‍ അത്ലേക്കുറ്റു നോക്കും
ഒരു പഴയ കാറ്റിന്റെ തഴുകല്‍ , സാന്ത്വനം തേടി
വേരില്ല രൂപമില്ല മനസ്സില്‍
എങ്കിലും തനിച്ചിരുന്നൊരു കിനാവുകാണും
ഏകാന്തതയുടെ തുരുത്തിലൂടെ
ഞാനെന്റെ കൌമാരത്തിലേക്കൊഴുകും
നിധിപോലെ ഞാന്‍ മനസ്സില്‍ താലോലിക്കുന്ന
നിന്നെ വട്ടമിട്ടു പറന്ന കൈതപ്പൂവിന്റെ മണം
ചേറില്‍ കുതിര്‍ന്ന ബാല്യത്തിന്റെ ഗന്ധം
വേനല്‍ മണ്ണിലുയരുന്ന പുതുമണ്ണിന്റെ സുഗന്ധം
വേലിയില്‍ പൂത്ത മഞ്ഞക്കണിക്കൊന്ന
നിലാവിന്റെ കുളിര്‍, നിര്‍വൃതി
മുത്തു ചിതറുമ്പോലൊരു ചിരി
മഴയില്‍ കുതിര്‍ന്ന ചുവന്ന പാവാട
നൃത്തം വയ്ക്കുന്ന വെളുത്തകണങ്കാലുകള്‍
ഒരനുഭവമായി, മഞ്ഞുപോലെ തണുത്തവിരലിനാല്‍
എന്നെ തലോടുന്ന ഈ ഗ്രാമ ചിത്രം
ഇത്തിരി സ്നേഹത്തിന്റെ പ്ട്ടുറുമാലില്‍
പൊതിഞ്ഞു മനസ്സില്‍ സുക്ഷിക്കുന്നു..

നോക്കുകുത്തി

2008-05-24T09:43:00.001-07:00

നോക്കുകുത്തി
സുഷിരമുള്ള മുഖത്തെ
തടിച്ചുപതിഞ്ഞ മൂക്കിനു താഴെ
കടുകുമണിയോളമൊരരിമ്പാറ പതിച്ച്
കണ്ണുകള്‍ കോങ്കണ്ണാക്കി
കാലുകള്‍ മുടന്താക്കി
കീറിയ ഉടുപ്പണിഞ്ഞ്
നിറമാര്‍ന്ന കിനാക്കളൊളിപ്പിക്കാന്‍
നെഞ്ചിലൊരു കൊച്ചുപൊത്തുമായ്
മുന്നില്‍ വളഞ്ഞുപോകുന്ന വഴിയരികില്‍
പരിഹാസച്ചിരിയേറ്റ്
വിജനമായ വഴിയിലെ ഏകയായ
പെണ്‍കുട്ടിയുടെ കണ്ണിലെ മഴ നനഞ്ഞ്
ഇഴയുന്ന രാപ്പകലുകളില്‍
മടുപ്പിന്റെ തുടലില്‍ പിടയുന്ന കാവലാളായ്
നീറിപ്പുകയുന്ന നേരങ്ങളിലെന്നെ
ഇങ്ങനെ നോക്കാതെ കരിങ്കണ്ണാ!

മാസസസരോവറിന്റെ പാതിവഴി

2008-05-15T09:42:00.000-07:00

മാസസസരോവറിന്റെ പാതി..:)
വളരെ അപ്ര്തീക്ഷിതമായി ഞാന്‍ ഒരു യാത്ര പോയി..മാസസസരോവറിന്റെ പാതി..:)എന്നു പറയാം..ഇന്ത്യയുടെയും നേപ്പാളിന്റെയും അതിര്‍ത്തിയില്‍.യാത്രക്കു പ്രത്യേകിച്ച് അങ്ങനെ ഉദ്ദേശ്യം ഒന്നും ഇല്ലായിരുന്നു. ജീവിതത്തിന്റെ തിരക്കുകളില്‍ നിന്ന് ഒരു ഒളിച്ചോട്ടം എന്നു വേണമെന്കില്‍ പറയാം..ഉത്തരാഞ്ചലിലെ പിത്തൊര്‍ഗഡ് ജില്ലയിലെ ധാര്‍ചുള എന്ന സ്ഥലത്തേക്കായിരുന്നു യാത്ര. ഡെല്‍ഹിയില്‍ നിന്നും കാറില്‍ 52 മണിക്കൂര്‍ യാത്ര...അവിടെ ഇന്റ്റര്‍നെറ്റും,മൊബൈല് ഫോണും ഒന്നുമില്ലാതെ ഒന്നു അലഞ്ഞുതിരിയണം എന്നൊരു വട്ടന്‍ ചിന്ത.അതിന്റെ യാത്രാ വിവരണം എഴുതി ആരെയും ബോറടിപ്പിക്കുന്നില്ല..നാലു ചിത്രങ്ങള്‍ ഇടുന്നു..

മാനസസരോവറില്‍ പോകണമെങ്കില്‍ ഇവിടെ 10 ദിവസം നിന്നു നടക്കണം :(

മാനസസരോവറിലേക്കു പോകുന്ന കഴുതകള്‍..:(

ഇന്ത്യയിലേക്ക് കാളി നദി മുറിച്ചു കടക്കുന്ന നേപ്പാളി സ്ത്രീ ..ഈ നദിയാണ് ഇന്ത്യയുടെയും നേപ്പാളിന്റെയും അതിര്ത്തി.. അവിടെ നിന്നും കൂലിപ്പണിക്കായി എന്നും വരുന്നവര്‍ ഇതേമാര്‍ഗത്തിലൂടെ ആണ്.!!

മാനസസരോവറില്‍ പോയിരുന്നുവെങ്കില്‍ ഇതിലും ഭംഗിയായി കാണാമായിരുന്നു മഞ്ഞുമലകള്‍..പക്ഷെ ഇവിടെ നിന്നു 10 ദിവസം നടക്കണം..:( അതിനാല്‍ ഞാന്‍ സൈഡിലൂടെ എസ്കേപ്പായി പകുതി പുണ്യം മതി എനിക്ക്..നിങ്ങള്‍ എന്തു പറയുന്നു...

ഷാപ്പിലെ സന്ധ്യകള്‍

2007-08-20T23:19:00.000-07:00

ഷാപ്പിലെ ഓട്ടം തുള്ളല്‍...

പത്തരമണി ആയപ്പോള്‍ ഞാന്‍ ആ
പട്ടുകിടക്കയില്‍ നിന്നും എണീറ്റു
കട്ടിലിനടിയില്‍ നിന്നു ലഭിച്ചൊരു
കട്ടന്‍ ബീഡി എടുത്തു വലിച്ചു
തലമുടി ചീകി പൌഡറും ഇട്ടു
കരികൊണ്ടല്‍പ്പം മീശ വരച്ചു
അച്ചന്‍ തന്നുടെ കീശയില്‍ നിന്നും
ഒരല്‍പ്പം ചില്ലറ ചൂളുവിലെടുത്തു
നേരെ ഇറങ്ങി നടന്നു ഞാന്‍ ആ
പഞ്ചായത്തിന്‍ ബസ്റ്റൊപ്പിങ്കല്‍
മൊഡേണ്‍ ഫാഷന്‍ ലേഡികള്‍ അങ്ങനെ
മോഡി ചമഞ്ഞു നടക്കും നേരം
തലമുടി ബോബു ചെയ്തതു ഫാഷന്‍
മുടി കഴുകാത്തതു മറ്റൊരു ഫാഷന്‍
മുട്ടിനു മീതെ ഉള്ളോരു മിഡിയുടെ
പിറകിലൊരല്‍പ്പം കീറലു ഫാഷന്‍
ഒന്നര ഇഞ്ചു ബ്ലൌസിനിറക്കം
രണ്ടര ഇഞ്ചൊ പാവാടക്കും.......

ജെസ്സി എനിക്കയച്ച കത്ത്

2007-08-18T23:25:00.000-07:00

ഇന്നലെ എനിക്കു ഒരു കത്തു കിട്ടി.വളരെ മനോഹരമായ കൈപ്പടയില് ഒരു കത്ത്.ഞാന്‍ ആ കത്തു വാങ്ങുംബോള്‍ , ഈ കാലഘട്ടത്തിലും ഒരു എഴുത്തൊ !! എന്നു രാജസ്ഥാന്‍ കാരനായ സഹപാഠി എന്നെ കളിയാക്കുകയും ചെയ്തു. ഞാന്‍ അതിനു ഒരു മറുപടി പറയുകയുണ്ടായില്ല എങ്കിലും ആ ചോദ്യം എന്നെ ഒരു പാടു വര്‍ഷം പിന്നിലേക്കു നടത്തി...വീട്ടില്‍ ഫോണ്‍ കിട്ടുന്നതിന്‍ മുന്പുള്ള കാലത്തിലേക്ക്... വല്ലപ്പോഴും അചഛന്റെ പേരില്‍ അചഛന്‍ പെങ്ങളൊ,അച്ഛന്റെ പഴയ സഹപ്രവര്‍ത്തകരൊ അയക്കുന്ന കത്തുകളില്‍ എന്റെ പേര് ആരെങ്കിലും ചോദിക്കുന്നതു കാണുമ്പോള്‍ ഞാന്‍ രഹസ്യമായി സന്തോഷിച്ചിരുന്നു...ആ കത്തുകള്‍ വീട്ടിലുള്ളവര്‍ ആവര്‍ത്തിച്ചു വായിച്ചിരുന്നു...കൂടാതെ അമ്മ കത്തിലെ വിശേഷങ്ങള്‍ അടുത്ത വീട്ടുകാരുമായി പങ്കു വച്ചിരുന്നു...വളരെ ചെറുപ്പത്തില്‍ എന്നെ ഹോസ്റ്റലില്‍ കൊണ്ടു ചേര്‍ത്തിട്ട് അച്ഛന്‍ തിരിച്ചു പോകുള്‍ 10 പൈസ വിലയുള്ള കുറെ മഞ്ഞ നിറത്തില്‍ ഉള്ള പോസ്റ്റ് കാര്‍ഡുകള്‍ എനിക്കു വാങ്ങി തന്നു .പൈസയൊ മറ്റൊ വേണമെങ്കില്‍ വീട്ടിലോട്ടു എഴുതുവാനായിരുന്നു അതു. ഞാന്‍ അതുവരെ ആര്‍ക്കും കത്തയക്കുകയൊ എനിക്കു അന്നു വരെഎന്റെ പേരില് ആരും കത്തുകള്‍ അയക്കുകയൊ ചെയ്തിരുന്നില്ല.പിന്നീടു എല്ലാ ആഴ്ചയും ഞാന്‍ വീട്ടിലോട്ടു കത്തുകല്‍ എഴുതാന്‍ ആരംഭിച്ചു .മിക്കപ്പോഴും എന്റെ കത്തുകള്‍ക്കു മറുപടി അയച്ചിരുന്നതു അചഛനാ‍യിരുന്നു.വളരെ ചുരുങ്ങിയ കുറെ വാചകങ്ങള്‍ മാത്രമാണു അചചന്‍ കത്തുകളില്‍ എഴുതിയിരുന്നത്. എങ്കിലും അചഛന്‍ എന്നെ വല്ലാതെ സ്നേഹിച്ചിരുന്നു.മനസ്സുകൊണ്ട്ന്നതിനേക്കള്‍ ഹൃദയം കൊണ്ടു..പക്ഷെ അചഛനൊ ‍ ഞാനൊ അതറിഞ്ഞില്ല.അചഛനു എന്നെ ക്കുറിച്ചു വലിയ പ്രതീക്ഷകളുണ്ടായിരുന്നു.....അച്ഛന്‍ എഴുതുന്ന കത്തുകളില്‍ വല്ലപ്പൊഴും അമ്മയും എഴുതിയിരുന്നു.അമ്മയെപ്പോഴും എന്റെ ആരോഗ്യത്തെ ക്കുറിച്ചു വേവലാതി പ്പെട്ടു..അമ്മയുടെ എഴുത്തുകളിലൂടെ ആയിരുന്നു ഞാ‍ന്‍ നാട്ടില്‍ നടന്നിരുന്ന പല കാര്യങ്ങളും അറിഞ്ഞിരുന്നതു. വളരെ നിസ്സാരമായ കര്യങ്ങള്‍പോലും അമ്മ അക്കാലത്തു എഴുതിയിരുന്നു.അടുത്ത വീട്ടിലെ അശ്വതി ചേച്ചി എന്നും അമ്മയെ സഹായിക്കാന്‍ വരുന്നതും പാലുകാരന്‍ രഘവന്‍ ചേട്ടന്റെ മകള്‍ തയ്യല്‍ കാരന്റെ കൂടെ ഒളിച്ചൊടിയതും എല്ലാം എന്നെ അറിയിച്ചതു അമ്മ ആയിരുന്നു..ബസ്റ്റോപ്പില്‍ ഉണ്ടായിരുന്നു മഞ്ഞപ്പൂവുണ്ടാകുന്ന മരം ആരൊ മുറിച്ചു മാറ്റിയെന്നു വളരെ വേദനയോടെ ഒരിക്കല്‍ അമ്മ എഴുതി.......എന്റെ ഓരൊ ദിവസവും കത്തുകള്‍ ക്കായുള്ള കാത്തിരുപ്പായിരുന്നു ആ നാളുകളില്‍ ..

അങ്ങനെ ഇരിക്കെ ഒരിക്കല്‍ നാഷണല്‍ സര്‍വീസ് സ്കീമിന്റെ ഒരു ക്യാബിനു ഞാന്‍ പങ്കെടുക്കാന്‍ ഇടയായി.അവിടെ വച്ചാണു ഞാന്‍ മാനന്തവാടിക്കാരി ജെസ്സിയെ പരിചയപ്പെടുന്നതു.ഒരു കൌതുകത്തിനു അന്നു തിരിച്ചു പോരുംബോള്‍ അഡ്രസ്സ് കൈമാറി പോരുകയും ചെയ്തു.അതിനു ശേഷം ഒരാഴ്ചകഴിഞ്ഞു പോസ്റ്റുമാന്‍ കൊണ്ടു തന്ന ജെസ്സിയുടെ കതതാണു വീട്ടില്‍ നിന്നു അല്ലാ‍തെ എനിക്കു ലഭിക്കുന്ന ആദ്യത്തെ കതത്.. കവിതയും.. കഥകളും.നിറഞ്ഞ ജീവനുള്ള കത്തുകള്‍ ആയിരുന്നു അവളുടെ കത്തുകള്‍.. സൌഹ്രുദത്തിനും പ്രണയത്തിനുമിടിയലുള്ള ഒരു നൂല്‍പ്പാലമായി ഞങ്ങളുടെ കത്തിടപാടുകള്‍ അങ്ങനെനെ ഒരു പാടുനാള്‍ തുടര്‍ന്നു....പിന്നീടു കോളേജില്‍ വന്നതിനു ശേഷം എനിക്കു സ്ഥിരമായി കത്തുക്കള്‍ അയക്കാറുണ്ടായിരുന്നതു കുറെ സഹപാഠികള്‍ ഉണ്ടായിരുന്നു. നിബു..ധന്യ..രവി..സ്മിത്..ദീപ്തി.... എന്റെ സൌഹൃദം എല്ലാം നിലനിന്നിരുന്നതു കത്തുകളിലൂടെ ആയിരുന്നു...പിന്നീടെപ്പോഴൊ എനിക്കു വരുന്ന കത്തുകള്‍ നിലച്ചു...ഞാനും എല്ലാവരെയും പോലെ എസ്.മം.എസ്.അല്ലങ്കില്‍ ഈ മെയില്‍ ആക്കി..ഓര്‍കുട് വഴി ഒരു പാടു പുതിയ സൌഹ്ര്ദങ്ങള്‍ ആയി...എന്നാലും എനിക്കെപ്പോഴും ഒരു കത്തു വായിക്കുന്നതിന്റെ സംത്രുപ്തി എസ്.മം.എസ് നൊ, ഇ-മയിലിനൊ ഇല്ല എന്നാണു എന്റെ അനുഭവം....അതിനാല്‍ ഏകാന്തതയില്‍ ഞാന്‍ ചിലപ്പോഴെല്ലാം എന്റെ പഴയ കത്തുകള്‍ വായിക്കാറുണ്ടു..ഒരു നിധിപോലെ ഞാന്‍ സൂക്ഷിക്കുന്ന പഴയ കത്തുകളിലൂടെ പഴയകാലത്തിലേക്കൊരു തിരിച്ചു പോകക്..ഹോസ്റ്റ്ലിന്റെ മതിലില്‍ പോസ്റ്റ്മാന്റെ വരവു കാത്തിരു‍ന്നു കാലത്തേക്കു ഒരു തിരിച്ചു പോകലാണു അത്.....വര്‍ഷങ്ങള്‍ക്കുശേഷം
എനിക്കു കിട്ടീയ ഈ കത്തു അതു ജെസ്സിയുടെ ആയിരുന്നു...അവള്‍ക്കും പറയാനുണ്ടായിരുന്നതു രണ്ടു വരി മാത്രമായിരുന്നു.. .പ്രദീപ്...ഓര്‍കുട്ടിലെ സ്ക്രാപ്പുകള്‍ എന്നെ ബൊറടിപ്പിച്ചു .ആധുനീകനു നഷ്ടപ്പെട്ട പറുദീസയാണു എഴുത്തുകള്‍ .....ജീവനുള്ള രണ്ട് അക്ഷരം വായിക്കാന്‍ ......നിന്റെ മറുപടിക്കായി കാത്തിരിക്കുന്നു..എന്നു നിന്റെ ജെസ്സി..

അമ്മ

2007-03-25T03:58:00.000-07:00

ഇതു എന്റെ അമ്മയെക്കുറിച്ചാണ്‍ ഇന്റെറ്നെറ്റും ബ്ലോഗും ഒന്നും പരിചയമില്ലാത്ത എന്റെ അമ്മ ഇതൊന്നും വായിക്കാന്‍ ഇടയില്ല.വെറും അന്തറ്മുഖനും സദാവിഷാദിയുമായിരുന്ന ഞന്‍ ഇന്നു എന്തെങ്കിലും ആയെങ്കില്‍ അത് അമ്മയുടെ മനസ്സിന്റെ നന്മയുടെ ഫലമാണ്.അമ്മ ലോകത്തു എല്ലാവരെയും സ്നേഹിക്കുന്നു. വളരെ ചെറുപ്പത്തിലെ എന്നെ ദൂരെയുള്ള ഹോസ്റ്റ്ലില്‍ ചേറ്ത്തതിനാല്‍ അമ്മയുടെ വാല്സല്യവും സ്നേഹവും നേരിട്ടനുഭവിക്കാന്‍ എനിക്കു കഴിഞ്ഞില്ല.വീട്ടില്‍ ഫോണ്‍ ഇല്ലതൈരുന്ന ആ കാലത്തു വല്ലപ്പോഴും അമ്മ അയക്കുന്ന കത്തുകള്‍ ആയിരുന്നു എനിക്കാശ്വാസം .ആ പതിവു ഞാന്‍ ബിരുദാനന്തരബിരുദത്തിനു ചേരുന്നതു വരെ തുടറ്ന്നു .അമ്മയുടെ മനസ്സിന്റെ നന്മ ബോധ്യപ്പെട്ട ഒട്ടേറെ അനുഭവങ്ങള്‍ ഉണ്ടായിട്ടുണ്ട് എങ്കിലും ഒരിക്കലും മയാതെ നില്ക്കുന്നതു ഈ അനുഭവമാണു.
മധ്യവേനല്‍ അവധിക്ക് ഞാന്‍ നാട്ടില്‍ ചെന്ന ഒരു ദിവസം ഉച്ചക്കു ഊണുകഴിഞ്ഞു ഞാന്‍ അമ്മയുടെ മടിയില്‍ തലവച്ചു കിടക്കുകയായിരുന്നു. അങ്ങനെ കിടക്കുന്ന സമയങ്ങളില്‍ അമ്മ എന്റെ തലമുടികള്ക്കിടയിലൂടെ വിരലുകള്‍ ഓടിക്കുകയും , ആ സുഖത്തില്‍ ഞാന്‍ മയങ്ങുകയും ചെയ്യും .ആ സമയത്തു കുറച്ചു നടോടി കുട്ടികള്‍ ആ വഴിക്കു വന്നു.എല്ലാവരും എതണ്ടു 10 വയസില്‍ താഴെ പ്രയമുള്ളവര്. തലമുടിയെല്ലാം അലങ്കോലമായി മുഷിഞ്ഞു കീറിയ വേഷം .പേപ്പറും , ചെരുപ്പും ഒക്കെ പെറുക്കി നടക്കുന്ന കുട്ടികളായിരുന്നു അതു. അമ്മ അവരെ വീടിനകത്തു കൂട്ടിക്കൊണ്ടു പോയി.അവരുടെ വയറു നിറച്ചു ചോറും കറികളും നല്കി അവരെ യത്രയാക്കി. എന്നിട്ടു എന്റെ അടുത്തു തിരിച്ചു വന്നു .ഇതെല്ലാം നോക്കി ഞാന്‍ ഇരിക്കുന്നതു കണ്ടപ്പോള്‍ അമ്മ എന്നോടു പറഞ്ഞു" അപ്പു നീ എതോ നട്ടില്‍ തനിച്ചാണു താമസിക്കുന്നത്.നീ എവിടെ ചെന്നാലും നിനക്കു യാതോരു ബുദ്ധിമുട്ടും ഉണ്ടാകതിരിക്കണം എങ്കില്‍ ഞാന്‍ ഇങ്ങനെ ചെയ്യണം ഇന്നു ഞാന്‍ അവരെ പട്ടിണിക്കയച്ചാല്‍ അതു അനുഭവിക്കേണ്ടി വരുക നീയാണ്. എല്ലാവരെയും സ്നേഹിക്കു., സഹായിക്കാനും മറക്കരുതു." അമ്മയുടെ മനസ്സിലെ ഈ നന്മയാണു എന്നെ ഏതു തെറ്റു ചെയ്യുബോഴും എന്നെ തിരുത്താന്‍ പ്രേരിപ്പിക്കുന്നതും , സ്നേഹിക്കാന്‍ എന്നെ പഠിപ്പിച്ചതും.

കായല്‍ കരയിലൂടെ

2007-02-26T10:43:00.000-08:00

കോളെജില്‍ പഠിച്ചിരുന്ന കാല്ത്തു വേമ്ബനാട്ടു കായലില്‍ പോയില്‍ കുളിച്ചു അതിന്റെ കരയില്‍ ഇരുന്നു വെറുതെ കുറെ കിനാവു കാണുക് എന്നതില്‍ അപ്പുറം ഭാവിയെ ക്കുറിച്ചു യാതൊരു ഉല്ക്ണ്ഠ്യില്ലായിരുന്നു ആ നല്ല കാലത്തിന്റെ ഓറ്മക്കു.

.

നൊസ്റ്റാള്‍ജിയ

2006-08-30T11:37:00.000-07:00